ರಕ್ತದಾನಕ್ಕೂ ಮೊದಲು ಈ ಬಗ್ಗೆ ನೀವು ತಿಳಿಯಲೇಬೇಕು

Source Credit Kannada.boldsky.com

ರಕ್ತದಾನಕ್ಕೆ ಮೊದಲು ಏನು ಮಾಡಬೇಕು?

ರಕ್ತದಾನ ಮಾಡುವ ಕೆಲವು ವಾರಗಳಿಗೆ ಮೊದಲು ನೀವು ಕಬ್ಬಿನಾಂಶವು ಹೆಚ್ಚಾಗಿ ಇರುವಂತಹ ಆಹಾರಗಳಾಗಿರುವಂತಹ ಸಮುದ್ರಾಹಾರ, ಮಾಂಸ, ಬಸಳೆ, ಬೀನ್ಸ್ ಮತ್ತು ಗೆಣಸು ತಿನ್ನಬೇಕು. ಇದರಿಂದ ಕಡಿಮೆ ಹಿಮೋಗ್ಲೋಬಿನ್ ಮಟ್ಟದ ಅಪಾಯವು ತಪ್ಪುವುದು. ನಿಮ್ಮ ವೈದ್ಯಕೀಯ ಇತಿಹಾಸದ ಬಗ್ಗೆ ಮಾಹಿತಿ ಇರುವಂತಹ ಫಾರ್ಮ್ ಅನ್ನು ನೀವು ರಕ್ತದಾನಕ್ಕೆ ಮೊದಲು ತುಂಬಬೇಕು. ಇದರಲ್ಲಿ ರಕ್ತದಿಂದ ಬರುವಂತಹ ಯಾವುದೇ ಸೋಂಕು ಇದೆಯಾ ಎಂದು ನೋಡುವರು. ಅದೇ ರೀತಿಯಾಗಿ ಯಾವುದೇ ಔಷಧಿ ತೆಗೆದುಕೊಳ್ಳುತ್ತಲಿದ್ದರೆ ಮತ್ತು ಪೋಷಕಾಂಶದ ಕೊರತೆ ಇದ್ದರೆ ಆಗ ನೀವು ಇದನ್ನು ಹೇಳಬೇಕು.

ರಕ್ತಹೀನತೆ ಮತ್ತು ರಕ್ತದೊತ್ತಡ ಇಲ್ಲದೆ ಇದ್ದರೆ ಆಗ ರಕ್ತದ ಸ್ಯಾಂಪಲ್ ತೆಗೆದುಕೊಳ್ಳಲಾಗುತ್ತದೆ. ರಕ್ತದ ಸ್ಯಾಂಪಲ್ ಪಾಸಿಟಿವ್ ಆಗಿದ್ದರೆ ಆಗ ವೈದ್ಯರು ರಕ್ತದಾನಕ್ಕೆ ಅವಕಾಶ ನೀಡುವರು.

ರಕ್ತದಾನದ ವೇಳೆ ಏನು ಮಾಡಬೇಕು

ನಿಮಗೆ ಆರಾಮವಾಗಿ ಕುಳಿತುಕೊಳ್ಳಲು ಅಥವಾ ಮಲಗಲು ಸೂಚಿಸಲಾಗುತ್ತದೆ. ಕೈಗೆ ನಂಜುನಿರೋಧಕ ಸೊಲ್ಯೂಷನ್ ಹಾಕಿ ಸ್ವಚ್ಛ ಮಾಡುವರು ಮತ್ತು ಕೈಯ ಮೇಲ್ಭಾಗಕ್ಕೆ ರಕ್ತದೊತ್ತಡ ಹೆಚ್ಚಿಸಲು ಬಿಗಿಯಾಗಿ ಕಟ್ಟಲಾಗುವುದು. ಇದರಿಂದ ರಕ್ತವು ನಾಳಗಳಲ್ಲಿ ತುಂಬುವುದು ಮತ್ತು ರಕ್ತನಾಳವು ಸರಿಯಾಗಿ ಕಾಣುವುದು.

ಇದರ ಬಳಿಕ ಸೂಜಿಯನ್ನು ಕೈಯ ರಕ್ತನಾಳಕ್ಕೆ ಚುಚ್ಚಲಾಗುತ್ತದೆ. ಇದರಲ್ಲಿ ಇರುವಂತಹ ಪ್ಲಾಸ್ಟಿಕ್ ಟ್ಯೂಬ್ ನ ಮೂಲಕ ರಕ್ತವು ಬ್ಯಾಗ್ ಗೆ ಹರಿದು ಹೋಗುವುದು. ದೇಹದಿಂದ ಕೇವಲ 400 ಮಿ.ಲೀ. ರಕ್ತವನ್ನು ಮಾತ್ರ ತೆಗೆಯಲಾಗುವುದು ಮತ್ತು ಇದಕ್ಕೆ ಸುಮಾರು 15 ನಿಮಿಷ ಬೇಕಾಗುತ್ತದೆ. ಇದು ಪೂರ್ತಿಗೊಂಡ ಬಳಿಕ ಸೂಜಿ ತೆಗೆದು, ಆ ಭಾಗಕ್ಕೆ ಸಣ್ಣ ಬ್ಯಾಂಡೇಜ್ ಹಾಕುವರು.

ರಕ್ತದಾನದ ಬಳಿಕ ಏನು ಮಾಡಬೇಕು?

ರಕ್ತದಾನದ ಬಳಿಕ ಯಾವುದೇ ರೀತಿಯ ತುರಿಕೆ, ಊತ, ರಕ್ತ ಹೆಪ್ಪುಗಟ್ಟುವಿಕೆ ಮತ್ತು ನೋವು ನಿವಾರಣೆ ಮಾಡಲು ಸ್ವಲ್ಪ ಸಮಯ ಕೈಯನ್ನು ಮೇಲಿನ ಭಾಗಕ್ಕೆ ಹಿಡಿದುಕೊಳ್ಳಿ. ಬೇಕಿದ್ದರೆ ಲಘು ಉಪಾಹಾರ ಮಾಡಬಹುದು ಮತ್ತು ಮುಂದಿನ 24 ಗಂಟೆಗಳ ಕಾಲ ಯಾವುದೇ ರೀತಿಯ ದೈಹಿಕ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳಬೇಡಿ.

2-3 ವಾರಗಳ ಬಳಿಕ ರಕ್ತದ ಮಟ್ಟವು ಮತ್ತೆ ಅದೇ ಮಟ್ಟಕ್ಕೆ ಬರುವುದು. ರಕ್ತದಾನದ ಬಳಿಕ ಬೇಗನೆ ಚೇತರಿಕೆ ಪಡೆಯಲು ಕೆಲವೊಂದು ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ.

ರಕ್ತದಾನದ ಬಳಿಕ ಇವುಗಳನ್ನು ತಪ್ಪದೇ ಮಾಡಿ

* ಹೆಚ್ಚಿನ ಪ್ರಮಾಣದಲ್ಲಿ ನೀರು ಕುಡಿಯಿರಿ.

* ಸಂತೋಷವಾಗಿರಿ ಮತ್ತು ಧನಾತ್ಮಕವಾಗಿರಿ.

* ಆರಾಮದಾಯಕ ಬಟ್ಟೆ ಧರಿಸಿ.

* ನಿಶ್ಯಕ್ತಿ, ನೋವು ಕಾಣಿಸುತ್ತಿದ್ದರೆ ವೈದ್ಯರನ್ನು ಭೇಟಿ ಮಾಡಿ.

* ಧೂಮಪಾನ ಮತ್ತು ಮದ್ಯಪಾನ ಮಾಡಬೇಡಿ.

Source Credit Kannada.boldsky.com

“This story was auto-published from a syndicated feed & Website. No part of the story has been edited by Niranthara News”

Niranthara News

Leave a Reply

Your email address will not be published. Required fields are marked *

Next Post

ಆಕರ್ಷಕ ಉಗುರುಗಳಿಗಾಗಿ ಇಲ್ಲಿದೆ ನೇಲ್ ಆರ್ಟ್ ಐಡಿಯಾ

Sat Dec 28 , 2019
Source Credit Kannada.boldsky.com ಗೋಲ್ಡನ್‌ ಡಿಸೈನ್ ಉಗುರಿಗೆ ಪಾರದರ್ಶಕ ಬಣ್ಣದ ಅಂದರೆ ಉಗುರಿನ ಬಣ್ಣದ ನೇಲ್ ಪಾಲಿಷ್ ಹಚ್ಚಿ ಅದರ ಮೇಲೆ ಗೋಲ್ಡನ್‌ ಬಣ್ಣದ ವಿನ್ಯಾಸ ಅಂಟಿಸಿದರೆ ಉಗುರುಗಳು ತುಂಬಾ ಆಕರ್ಷಕವಾಗಿ ಕಾಣುತ್ತದೆ. ಈ ರೀತಿಯ ವಿನ್ಯಾಸ ಮಾಡುವುದಾದರೆ ಉಗುರುಗಳು ಸ್ವಲ್ಪ ಉದ್ಧವಾಗಿರಲಿ. ಈ ರೀತಿ ನೇಲ್‌ ಆರ್ಟ್ ಫಂಕ್ಷನ್‌ಗಳಿಗೆ ಹೋಗುವಾಗ ಮಾಡಿಕೊಳ್ಳುವುದು ಸೂಕ್ತ. ರೆಡ್ ಅಂಡ್ ವೈಟ್ ಡಿಸೈನ್ ರೆಡ್ ಹಾಟ್ ಕಲರ್. ಆದರೆ ರೆಡ್ ಅಂಡ್‌ ವೈಟ್ ಕಾಂಬಿನೇಷನ್ ನೋಡಲು ಆಕರ್ಷಕವಾಗಿರುತ್ತದೆ. ಈ ಎರಡು ಕಾಂಬಿನೇಷನ್ ಬಳಸಿ ಉಗುರಿನ ಲುಕ್‌ ಕೂಡ […]

Now Available on

Play Store

Niranthara News is ready to serve you with all the updates happening around in all regions. Stay tuned with niranthara news and get all the news in one touch.

Quick Links